முற்றவெளியில் வைத்து வடக்கு முதல்வரைக் கொலை செய்ய முயன்ற யாழ்ப்பாண வைத்தியர்கள்!! அதிர்ச்சித் தகவல்கள் Share

எழுகதமிழ்‘ என்ற பெயரில் முற்றவெளியில் விக்னேஸ்வரனைக் கொல்ல நடந்த சதி செய்த யாழ் வைத்தியர்கள்



(ஆர் என்ன நினைச்சாலும் சரி... என்ர பெயர் உதயன் பேப்பரில வாசகர் திருமுகத்திலயாவது வரவேணும் என்டதுக்காக யோசிச்சு யோசிச்சு உதயன் பேப்பர்காரர்களின்ட விருப்பத்திற்கு ஏற்ப இதை எழுதினேன்... ஆனால் ‘எழுகதமிழ்‘ நடந்த அடுத்தநாள் உதயன் பேப்பர் பயத்தில எழுகதமிழ் நியுஸ்ச ஓரளவுக்கேனும் நல்லமாதிப் போட்டுட்டான்... ஆகவே நான் எழுதினதையும் பயத்தில போடமாட்டான் என்று நினைச்சு இதை உதயன் பேப்பருக்கு அனுப்பேல.. ஆனால் எனக்குப் பயமில்ல.. நான் துணிவாத்தான் இதை முகப்புத்தகத்தில் வெளியிடுறன்.)

அந்தக் காலத்தில இருந்தே நானும் ஒரு விஞ்ஞானியா மாறவேணும் என்ட எண்ணம் இருந்தது. அதுக்காக என்ன கண்டு பிடிப்புக்களைச் செய்யலாம் என்டு நினைச்சுக் கொண்டுதான் இருந்தன். வவுனியா விஞ்ஞானி ஜக்சன் போல ஏதாவதைக் கண்டு பிடிச்சு அதை தமிழ்த்தேசிய நாளிதழ் உதயன் பேப்பர் முன் பக்கத்தில வரப்பண்ணவேணும் என்டு நினைச்சுக் கொண்டுதான் இப்பவும் இருக்கிறன். அதுக்குத்தான் டெங்கு நுளம்பை அழிக்கிறது எப்பிடி என்டு யோசிச்சு ஒரு முடிவுக்கு வந்தனான். அதாவது நுளம்புகள் பெருகுவதற்கு காரணமான நீர்நிலைகளை இல்லாமல் செய்வது என்பது தோல்வியடைந்த ஒரு பொறிமுறை... எந்தப்பாடு பட்டாவது நுளம்புகள் இரகசியமாக தங்கட இனப்பெருக்கத்தை உருவாக்கிப் போடும். சோடாமூடிக்குள்ள இருக்கிற நீரே நுளம்பு பெருகுவதற்கு காணும் என்டு சொல்லுறாங்கள்.

அப்ப ஏன் களவா, இரகசியமா நுளம்பைப் பெருக விடுவான்.... நாங்களே வீட்டுக்கு முன்னால ஒரு தொட்டியை அமைத்து அதில் நுளம்பு பெருகுவதற்கான வசதிகளைச் செய்து கொடுத்து இரகசியமாக நுளம்பை முட்டையிட வைக்காது அந்தத் தொட்டிகளுக்கு நுளம்பை வரவழைத்து முட்டையிட வைத்து பிறகு வடிவா அழிக்கலாம்தானே..... அப்புடி ஒரு இலகு தொட்டி ஒன்றை அமைக்கத்தான் நானும் வவுனியா ஜக்சன் போல நினைச்சுக் கொண்டு தெரியாத்தனமா ஒருத்தனிட்ட என்ர ஐடியாவைச் சொல்லிப் போட்டன். அவனும் அதை அரசாங்கத்துக்கு பல கோடிரூபாக்கு இரகசியமாக வித்துப் போட்டான்.

ஆனால் அந்த ஐடியாவை அரசாங்கம் டெங்கு நுளம்பு ஒழிக்கப் பயன்படுத்தவில்லை. அந்த ஐடியாவை வைத்து தமிழ்த்தேசிய உணர்வுள்ளவர்களை அழிக்கப் பயன்படுத்துது.

டெங்கு நுளம்புகளைக்கூட அழிக்கலாம்... ஆனால் இந்த தமிழ்த்தேசிய உணர்வாளர்களை அழிக்க முடியாமல் இருக்குதே என்டு இலங்கை அரசாங்கம் கவலைப்பட்டுக் கொண்டு இருந்த நேரத்தில என்ர ஐடியாவை வைச்சு அரசாங்கம் யோசிச்சுப் போட்டு செயற்படுத்த நினைச்சதுதான் இந்த எழுகதமிழ் எழுச்சித் திட்டம்.

இதற்கான கோட்டேசனை அரசாங்கம் தமிழ்மக்கள் பேரவை என்ற நிறுவனத்திட்ட கொடுத்திருக்குது. டெங்கு நுளம்புப் பெருக்கம் போல இருக்கிற இந்தத் தமிழ்த்தேசியத்தை ‘ நாங்கள் அழிச்சுக்காட்டுறம்‘ என்டு இலங்கை அரசாங்கத்திடம் பேரம் பேசி கனக்க காசு வாங்கிக் கொண்டு நடத்தப்பட்டதுதான் இந்த எழுக தமிழ் எழுச்சி. இந்த எழுச்சிகளுக்கு காரணமானவங்களில முக்கியமானவங்கள் இரண்டு டொக்டர்மார். ஒன்டு லக்ஸ்மன், இன்னொன்டு சிவன்சுதன். இவங்கள் அரசாங்கத்தோட பேரம் பேசி காசு வாங்கின பிறகு ஒரே கல்லில இரண்டு மாங்காய் அடிக்கிறது போல மகிந்தவையும் உசுப்பேத்தி ‘நாங்கள் அடிக்கிற மாதி அடிக்கிறம், நீங்கள் அழுறமாதிரி அழுங்கோ‘ என்று அவங்களுக்கும் சொல்லி அவங்களிட்டையும் காசு வாங்கிப் போட்டு இஞ்சத்த தமிழ்ச்சனத்தை உசுப்பேத்திவிட்டாங்கள்.

அதன் பின்னர் கிளர்ந்தெழுந்த தமிழ்ச்சனத்தை அழிப்பதற்கான நாளையும் இடத்தையும் தேர்ந்தெடுத்த விதம்தான் மிகக் கொடுமையானது. மிகத் துள்ளியமாகத் திட்டமிட்டு இந்த இரு டொக்டர்மாரும் செயற்பட்டுள்ளார்கள். தமிழ்த்தேசிய உணர்வுடன் வந்தவர்களைக் கொடூரமாக வதைத்தெடுத்து அவர்களை நோயாளர்களாக்கி நோயுடன் வைத்தியசாலைகளுக்கு செல்பவர்களுக்கு மெல்லக் கொல்லும் விச ஊசி ஏற்றி குறிப்பிட்ட காலத்தில் அவர்களைக் கொலை செய்யும் சதித் திட்டம் தயாரானது.

புரட்டாசி சனிக்கிழமை. எல்லாச் சனமும் விரதமா இருக்கிற நேரத்தைத் தேர்ந்தெடுத்தார்கள். அதுவும் காலை பத்துமணி. நல்ல வெயிலுக்குள்ளாள நல்லுாரில இருந்து முத்தவெளி மட்டும் நடக்க வைச்சாங்கள் இந்த டொக்டர்மார். பல்லாயிரக்கணக்கான சனம் நடந்து வருகுது. ஆனால் ஒரு அம்புலன்ஸ்தான் பின்னால வந்தது. ஏனென்டால் நடந்து வாற கிழடு கட்டைகள் அதிலேயே மயங்கிப் போடுங்கள். ஒரு அம்புலன்ஸ் என்டால் ஒருவரைக் கொண்டு செல்ல மற்றவர்கள் அதிலேயே செத்துப் போடுங்கள் என்டு ஒரு திட்டம்.

அடுத்த திட்டம் நல்ல வெயிலுக்குள்ளாள நடந்து வாற இளைஞர் யுவதிகளுக்கு வியர்வையுடன் சேர்ந்து வெளியாகும் நீரிழப்பு, கனியுப்பு இழப்பு, விரதம் இருந்த பசிக்களைப்பு போன்றவற்றால் மயக்கம் அல்லது நோய் வந்தால் அவர்களை வைத்தியசாலைக்கு வரவழைத்து விச ஊசி ஏற்றுவது.

இந்தத் திட்டங்களுக்காக செயற்பட்டுக் கொண்டிருக்க பேரணி முட்டாசுக்கடைப் பகுதியை நோக்கி வந்த போதும் தாம் எதிர்பார்த்தபடி ஒருவரும் மயக்கமடைந்தோ நோய்வாய்படவோ இல்லையென்றபடியால் இன்னும் துாரத்தைக் கூட்டுவதற்காக, டக்ளஸ்தேவானந்தாவை உசுப்பேத்தி வீரசிங்கம் கோல் பகுதியில் ஒரு தடையைப் போட்டு, தங்களுடன் வந்தவர்களை நடு வெயிலுக்குள் கோட்டையை சுற்ற வைத்து ஓரிரு கிலோமீற்றர் துாரம் மேலும் நடக்க வைத்தது.

இவற்றுக்கும் மசியாது வந்த சனத்தை இன்னும் சோர்வடைய வைக்க வேண்டும் என்பதற்காக முத்தவெளி மைதானத்தின் நடுப்பகுதிக்கு வரவழைத்து நடு வெயிலுக்குள் நிறுத்தியது. ஒரு தண்ணிமெண்ணியில்லாமல் நாவறண்டு நின்ற மக்கள் இனிமேல் தமிழ்த்தேசியத்துக்காக எந்த எழுச்சிக்கும் வரமாட்டார்கள் என்ற திட்டமே அது.

விக்னேஸ்வரனைக் கொல்லச் சதி

விக்னேஸ்வரன் மகிந்தவின் கூட்டாளியான வாசுதேவநாயக்காவின் சம்பந்தி. சிங்களக் கூட்டாளியான விக்னேஸ்வரனுக்கு யாரோ திட்டமிட்டு தமிழ்த்தேசிய உணர்வை ஏற்றிவிட்டார்கள் என்ற காரணத்தால் அவரையும் ஒழித்துக் கட்டவேண்டும் என்று நினைத்து ஏற்கனவே பல நோய்களுக்கு உள்ளான விக்கினேஸ்வரனை இந்த எழுச்சிக் கூட்டத்தில் நடக்கச் செய்வது. அத்துடன் அவர் நின்று பேசுவதற்கான மேடையைப் பலவீனமான பலகைகளால் செய்து அவரை தடக்கி விழச் செய்வது. அதன் பின்னர் அவரை வைத்தியசாலைக்குக் கொண்டு சென்று அவருக்கு மெல்லக் கொல்லும் விச ஊசி ஏற்றிவிடுவது...

இந்தச் சதித் திட்டங்களுடன் அடுத்த திட்டம் என்னவென்றால்

வந்த அவ்வளவு சனத்தையும் இராணுவப் புலனாய்வாளர்கள், பொலிஸ் புலனாய்வாளர்களைக் கொண்டு தெளிவான வீடியோ எடுத்து அவர்களை அடையாளப்படுத்தி வைத்திருந்து இனியொரு குழப்பம் வரும் போது போட்டுத்தள்ளுவது. இதற்காக பல இராணுவப் புலனாய்வாளர்கள், பொலிஸ்புலனாய்வாளர்கள் கூட்டத்துக்குள் ஊடுருவியிருந்ததும் குறிப்பிடத்தக்கது.

இவ்வாறான செயற்பாடுகளை உதயன் அறிந்தான். அதனாலேயே மக்களை சூட்சுமமாக புரட்டசிச்சனி என்ற ஒரு தலைப்புடன் முன் பக்கத்தில் செய்தி போட வைத்து சதித் திட்டத்தில் இருந்து காப்பாற்ற முயற்சித்தான். ஆனால் அப்பாவி மக்கள் அதை அறியாமல் ஏசுகின்றார்கள். யோகர் சுவாமிகள் சொன்னது போல் “ஏசுவார்கள் எரிப்பார்கள் உண்மையை எழுது உண்மையாகவே எழுது“ உதயனே நீ... பல்லாண்டு காலம் வாசகர்களுக்கு செய்தியாக வர வேண்டும்....

Loading...
Share

எமது மின்னஞ்சல் முகவரி newtamils1@gmail.com